🚨 अल्पवयीन वाहनचालकांवर मुल पोलिसांची धडक कारवाई

🚨 अल्पवयीन वाहनचालकांवर मुल पोलिसांची धडक कारवाई दोन दिवसांत १४ अल्पवयीन दुचाकी चालकांवर कारवाई; पालकांना समज देऊन वाहने ताब्यात“मुलांच्या हट्टा पेक्षा त्यांच्या सुरक्षिततेला प्राधान्य द्या”; पालकांना पोलिसांचे आवाहन मूल, दि. ८ ऑगस्ट : अल्पवयीन मुलांकडून दुचाकी चालविण्याच्या प्रकारांना आळा घालण्यासाठी मा. पोलीस अधीक्षक, चंद्रपूर यांच्या मार्गदर्शनाखाली मूल पोलीस प्रशासनाने अल्पवयीन वाहन चालकां विरोधात विशेष मोहीम हाती घेतली आहे. या मोहिमेला सकारात्मक प्रतिसाद मिळत असून, गेल्या दोन दिवसांत एकूण १४ अल्पवयीन दुचाकी चालकांवर कारवाई करण्यात आली आहे.मूल पोलीस ठाण्याच्या हद्दीत अल्पवयीन मुले दुचाकी चालवित असल्याचे आढळून येताच पोलिसांनी विशेष मोहीम राबवून कारवाई केली. काल ९ अल्पवयीन वाहनचालकांवर, तर आज ५ अल्पवयीन दुचाकी चालकांवर कारवाई करण्यात आली. संबंधित दुचाकी वाहने पोलिसांनी ताब्यात घेऊन पोलीस ठाण्यात जमा केली.त्यानंतर संबंधित अल्पवयीन मुलांच्या पालकांना पोलीस ठाण्यात बोलावून अल्पवयीन मुलांना वाहन चालविण्यास देण्याचे धोके, वाहतूक नियमांचे पालन आणि अपघाताची शक्यता याबाबत समज देण्यात आली. पालकांना योग्य मार्गदर्शन केल्यानंतर संबंधित वाहने त्यांच्या ताब्यात देण्यात आली.पालकांनीही जबाबदारी ओळखण्याची गरज अल्पवयीन मुलांच्या हातात दुचाकी देणे ही केवळ वाहतूक नियमांची बाब नसून त्यांच्या जीविताच्या सुरक्षिततेशी संबंधित गंभीर बाब आहे. वाहन चालविताना वेगावर नियंत्रण नसणे, वाहतूक नियमांचे अपुरे ज्ञान किंवा अचानक निर्माण झालेल्या परिस्थितीवर नियंत्रण ठेवता न येणे यामुळे मोठा अपघात होऊ शकतो.एखाद्या मुलाच्या हातात वाहन देताना पालकांनी “मुलाला वाहन चालविता येते” एवढाच विचार न करता “मुलाचे वय काय आहे, त्याच्याकडे वाहन चालविण्याचा कायदेशीर परवाना आहे का आणि त्याच्यामुळे इतरांच्या सुरक्षितेवर परिणाम होऊ शकतो का?” याचाही विचार करणे आवश्यक आहे.मुलांचा क्षणिक हट्ट पूर्ण करण्यापेक्षा त्यांचे आयुष्य सुरक्षित ठेवणे अधिक महत्त्वाचे आहे. त्यामुळे पालकांनी आपल्या अल्पवयीन मुलांना दुचाकी अथवा कोणतेही वाहन चालविण्यास देऊ नये, असे आवाहन पोलिस प्रशासनाने केले आहे.पोलिसांच्या कारवाईतून जनजागृतीचा संदेश मूल पोलिसांनी केलेली ही कारवाई केवळ दंडात्मक स्वरूपाची न राहता पालक आणि विद्यार्थ्यांना वाहतूक शिस्तीचा महत्त्वपूर्ण संदेश देणारी ठरत आहे. अल्पवयीन वाहन चालकांमुळे स्वतःचा तसेच इतर नागरिकांचा जीव धोक्यात येऊ नये, यासाठी अशा मोहिमांची आवश्यकता आहे.मा. पोलीस अधीक्षक, चंद्रपूर यांच्या मार्गदर्शनाखाली मूल पोलीस स्टेशनचे पोलीस निरीक्षक तथा ठाणेदार विजय राठोड यांच्या मार्गदर्शनात ही विशेष मोहीम राबविण्यात येत आहे. अल्पवयीन वाहनचालकांच्या बाबतीत पालकांनीही पोलिस प्रशासनाला सहकार्य करून आपल्या मुलांच्या सुरक्षिततेची जबाबदारी स्वीकारावी, असे आवाहन करण्यात आले आहे.कारवाईसोबतच सुरक्षिततेचा संदेश पोलिसांनी केलेल्या या कारवाईचे नागरिकांकडून स्वागत होत असून, अल्पवयीन मुलांच्या हातात वाहने देण्याची प्रवृत्ती रोखण्यासाठी पोलिस प्रशासनाची भूमिका महत्त्वाची ठरत आहे. मात्र केवळ पोलिसांच्या कारवाईने हा प्रश्न सुटणार नाही. पालक, विद्यार्थी आणि समाजानेही वाहतूक नियमांबाबत जबाबदारीची भूमिका घेणे गरजेचे आहे.🚨 पालकांनो, या कारवाईतून बोध घ्या!मुलांच्या हट्टा पेक्षा त्यांचा जीव मौल्यवान आहे. अल्पवयीन मुलांच्या हातात वाहन देऊ नका. वाहतूक नियम पाळा… सुरक्षितता जपा… अपघात टाळा!— बीएस न्यूज नेटवर्क मुल . संपादक गणेश गेडाम मोबाईल क्रमांक ९३२२४४६१७५