👉…मुल नगर परिषद घन कचरा कामगारांची पगार वाढीसाठी बजरंग सेना संघाकडे धाव

बीएस न्यूज नेटवर्क मुल संपादक, प्रतिनिधी गणेश गेडाम दिनांक ११/०८/२०२६ मंगळवार .. मूल नगर परिषद घनकचरा कामगारांच्या वेतनवाढीसाठी बजरंग सेना संघाकडे धावमूल (प्रतिनिधी) : मूल नगर परिषदेमध्ये घनकचरा व्यवस्थापनाचे काम करणाऱ्या कंत्राटी कामगारांच्या वेतनवाढीचा प्रश्न पुन्हा ऐरणीवर आला आहे. अनेक वर्षांपासून अल्प मानधनावर काम करणाऱ्या कामगारांनी आपल्या वेतनात वाढ करण्यात यावी, या मागणीसाठी बजरंग सेना संघाकडे धाव घेतली आहे.घनकचरा संकलन, वर्गीकरण व शहर स्वच्छ ठेवण्याचे महत्त्वाचे काम हे कामगार दररोज करत असतात. प्रतिकूल परिस्थितीत तसेच आरोग्याचा धोका पत्करून काम करणाऱ्या या कामगारांना त्यांच्या श्रमाच्या तुलनेत योग्य वेतन मिळत नसल्याची भावना कामगारांनी व्यक्त केली आहे.कामगारांच्या म्हणण्यानुसार, महागाई दिवसेंदिवस वाढत असताना मिळणारे वेतन अत्यंत कमी आहे. त्यामुळे कुटुंबाचा उदरनिर्वाह करणे कठीण होत असून, शासनाच्या नियमानुसार किमान वेतन व इतर लागू लाभ मिळावेत, अशी मागणी करण्यात आली आहे.या पार्श्वभूमीवर कामगारांनी बजरंग सेना संघाकडे आपली कैफियत मांडून वेतन वाढीसाठी पुढाकार घेण्याची मागणी केली आहे. संघाचे अध्यक्ष व्यंकटश पुल्लकवार, व पंकज शेंडे,गणेश गेडाम,राकेश मानकर यांनी कामगारांच्या प्रश्नाची दखल घेऊन संबंधित नगर परिषद प्रशासनाकडे पाठपुरावा करण्याचे आश्वासन दिल्याचे सांगण्यात येत आहे.नगर परिषद प्रशासनाने घनकचरा कामगारांच्या वेतनाचा प्रश्न गांभीर्याने घेऊन शासनाच्या नियमानुसार योग्य निर्णय घ्यावा आणि कामगारांना न्याय मिळवून द्यावा, अशी मागणी जोर धरू लागली आहे.कामगारांच्या वेतनवाढीच्या मागणीवर नगर परिषद प्रशासन काय भूमिका घेते, याकडे आता सर्वांचे लक्ष लागले आहे. बातम्या आणि जाहिरात साठी संपर्क साधा 9322446175